Videokuzatuv va xavfsizlik tizimlariga texnik xizmat

Muntazam xizmatga nimalar kiradi

Har oy barcha kameralar ishlashi va arxiv yozilayotgani, disk holati va vaqt sozlamasi tekshiriladi. Kerak bo‘lsa kamera oynasi tozalanadi, burchagi to‘g‘rilanadi, dasturiy ta’minot yangilanadi va holat haqida qisqa hisobot beriladi.

Ko‘p uchraydigan nosozliklar

“Signal yo‘q” — ko‘pincha kabel ulanishi, PoE yoki quvvat bloki. Arxiv yo‘q — disk to‘lgan yoki ishdan chiqqan. Telefondan ko‘rinmayapti — router almashtirilgan yoki parol o‘zgargan. Bularning ko‘pini bir chiqishda tuzatamiz.

Disk va arxivni nazorat qilish

Videokuzatuvdagi eng ko‘p uchraydigan muammo — arxiv yozilmay qolgani faqat hodisa yuz bergandan keyin bilinadi. Muntazam xizmatda registrator arxivni yozayotganini, necha kunlik yozuv saqlanayotganini va diskning holatini tekshiramiz.

Diskda xato belgilari paydo bo‘lsa yoki arxiv uzila boshlasa, uni almashtirishni tavsiya qilamiz. Videokuzatuv uchun 24/7 ishlashga mo‘ljallangan disklar do‘konimizning HDD bo‘limida bor.

Narxlar qanday hisoblanadi

Bir martalik chaqiruv kafolatdan tashqari 100 000 so‘m, kamerani ta’mirlash yoki qayta o‘rnatish 200 000 so‘m. Masalan, ikki kamerani qayta o‘rnatish kerak bo‘lsa: chaqiruv 100 000 + 2 × 200 000 = 500 000 so‘m.

Doimiy xizmat oylik to‘lov bilan: uy va kichik do‘kon uchun 150 000 so‘m, ofis va korxona uchun 500 000 so‘mdan. Oylik xizmatda rejali tekshiruvlar narxga kiradi.